zindagi ki bahaar dekhte hain gul ke pahlu mein khar dekhte hain jalwa-gar hain wo khashmagin ho kar nur ke sath nar dekhte hain jis taraf bhi nigah uthti hai jalwa-e-ru-e-yar dekhte hain pyar hota hai jis se ai pyare us ko hi bar bar dekhte hain hum samajhte hain us ko apna hi jis ki aankhon mein pyar dekhte hain dukht-e-raz ki hain shokhiyan qibla jubba-e-dagh-dar dekhte hain kya yahi dil hai jis ko pahlu mein hum 'amin' be-qarar dekhte hain