but-gari-e-jamal mein guzra ahd-e-kufr ek haal mein guzra waqt guzra jo be-khayali mein wo tere hi khayal mein guzra kuchh kata waqt ranj-e-duri mein kuchh khayal-e-visal mein guzra hae wo zakhm jin ka mausam-e-gul dahshat-e-indimal mein guzra phir dhadakne laga hai dil apna kya kahun kya khayal mein guzra nigah-e-dost ka bhi mausam-e-lutf dil hi ki dekh-bhaal mein guzra ek lamhe mein kitne sal kate ek lamha bhi sal mein guzra