calender phir palatta hai december phir badalta hai 'dua' phir chaar-su mere naya manzar ubharta hai ghata jab chhatne lagti hai to us ki ot se yak-dam falak par sard mausam mein hasin suraj nikalta hai mohabbat ne kaha mujh se mohabbat ke liye phir se ta'alluq taza karne ko mera dil bhi machalta hai mere dil ko tumhin ne barf ka tukda kaha tha nan wahi tukda mohabbat ki hararat se pighalta hai ye dard-o-ranj aankhon ka baha do apne ashkon mein tumhaare pyar se dilbar ye mera dil bahalta hai