chaak-daman na hue chaak-gareban hue hum tere baad bahar-haal pareshan hue barha ki hai talab dad-e-wafa hum ne bhi dosto hum bhi kai bar pasheman hue jise dekho wo faqiron ko jhidak deta hai ahl-e-duniya na hue aap ke darban hue ham-nashin qaht-e-murawat ki tabahi mat puchh shahr ke shahr mere samne viran hue maut likkhi hi nahin thi to kahan se marta muft 'ishrat' mere ahbab pareshan hue