chaak-e-daman-o-gireban pe hansi aati hai
kaise insan ho ki insan pe hansi aati hai

tum ki har manzil-e-dushwar se hat jate ho
hum ki har manzil-e-asan pe hansi aati hai

ye banae hue rang aur ye tarashe hue phul
mujh ko is jashn-e-bahaaran pe hansi aati hai

raat ek zulf-e-pareshan ke liye rota hun
subh har khwab-e-pareshan pe hansi aati hai

hum ko ek khel hain ye tauq-o-salasil sayyaad
hum ko zindan mein bhi zindan pe hansi aati hai