chale jaana magar sun lo mere dil mein ye hasrat hai faqat ek bar hi kah do hamein tum se mohabbat hai ye mausam bhi suhana hai teri yaadon ke mele hain tere bin ek bhi lamha bita lena qayamat hai bura kahta hai mujh ko ye zamana main ne mana hai na jaane kyun use tujh se nahin koi shikayat hai achanak yun jo mujh se bad-guman tu ho gaya hamdam mujhe lagta hai ye mere raqibon ki shararat hai nahin koi khata meri wo phir bhi zakhm dete hain main hun bimar-e-ulfat bas dawa meri mohabbat hai rahe kab tak bhala mahtab tanhai ke aalam mein ki ab to aa bhi ja us ko faqat teri zarurat hai