chalo dil ki kahani ko mukammal kar diya jae bachi hai jo jagah khali use bhi bhar diya jae kare ab pyar ka iqrar ya inkar kar de wo mohabbat ke liye izhaar us se kar diya jae nigahon se chhalakta hai ajab hai ishq ka qissa chhalakne ko zaruri hai ragon mein bhar diya jae hamari aankh se kahne lage hain khwab ro-ro kar bhatakte phir rahe hain hum hamein bhi ghar diya jae jidhar dekhun udhar hi rahzanon ki bhid hai maula safar mein sath chalne ko mujhe rahbar diya jae nahin ye sochna is khel mein kya faisla hoga laga li shart to ab okhli mein sar diya jae