chand lamhe jo intizar ke hain
karb ke aur intishaar ke hain

shakh-e-gul yun kabhi jhulasti nahin
ye karam mausam-e-bahaar ke hain

jo diye timtima rahe hain abhi
mere ujde hue dayar ke hain

ab kahin kuchh dikhai de kaise
sare manzar dhuen ghubar ke hain

kahan ja kar sakun talash karun
har jagah waqt khalfishaar ke hain

wo kisi kaam ke nahin hain 'ata'
nam un ke faqat shumar ke hain