chand manga na kabhi hum ne sitare mange bas wo do din jo tere sath guzare mange sirf ek dagh-e-tamanna ke siwa kuchh na mila dil ne kiya soch ke nazron ke ishaare mange hum ne jab jam uthaya hai to wo yaad aaya jis ki khatir mai-o-mina ke sahaare mange dhal gai raat to khwab-e-rukh-e-jaanan tuta bujh gaya chand to aankhon ne sitare mange uth gai aankh to gardab ka dil dub gaya khul gai zulf to maujon ne kinare mange raat wo hashr gulistan mein utha hai yaro subah har phul ne shabnam se sharare mange