chand tanha hai kahkashan tanha
hijr ki raat aasman tanha

bhagti rail shor sannata
rah gai be-sada zaban tanha

rang aur nur se rahe mahrum
hum faqiron ke aastan tanha

kaisi nafrat ki aag phaili hai
jal raha hai mera makan tanha

aandhiyan bijliyan shajar kamzor
bach na paega aashiyan tanha

thak ke sab so gae hain mahfil mein
khud hi sunta hun dastan tanha

koi jadu na rahbar koi
ab kahan jae karwan tanha

pas gar tu nahin to kya gham hai
sath apne hai ek jahan tanha