chap aae ki mulaqat ho aawaze se kab se tanhai lagi baithi hai darwaze se mujh se taswir talab karti hain meri aankhen main ne kuchh rang chune the tere shiraaze se saf-goi se ab aaina bhi katraata hai ab to pahchanta hun khud ko bhi andaze se main to mitti ka badan odh ke khud nikla hun kya daraati hain hawaen mujhe khamiyaze se apne chehre pe na auron ke khad-o-khal saja rup aata hai kahin utre hue ghaze se jhuti azmat ki pujari hai 'muzaffar' duniya pasta-qad log bhi guzren bade darwaze se