charagh-e-dagh dil-e-sokhta jo ho raushan patang phir kahin aankhon ko senkta na phire jo ho tamancha-e-mauj-e-nasim se aagah habab sar pe liye kasa-e-riya na phire kulah-e-faqr pe nazan hun main badaulat-e-ishq sar-e-niyaz pe mere kabhi huma na phire khayal-e-khwab-e-adam gar na ho gareban-gir to aankh mund ke yan koi bulbula na phire na howe dida-e-subh-e-watan kabhu raushan ghubar-e-gor-e-ghariban kabhu uda na phire