charagh sabr ke jis ne jalae roya hai
hawa se rabt-o-talluq badhae roya hai

sulagte khwabon ki tabir ki banawat mein
jo apni aankhen musalsal jagae roya hai

yahi nahin ki parinde lahu bahate hain
udas tanha shajar bhi to hae roya hai

samajh lo pani se nisbat use rahi hogi
jo canwas pe samundar banae roya hai

main jaanti hun wo ek shakhs wasl ka mara
parae hijr ka jo ranj uthae roya hai