chalo sabil karen us ko ja manane se khushi ko git mayassar nahin zamane se sukut aisa samar-bar to kabhi na hua gul-e-malal jhada ab ke shakhsane se tumhaara qurb hatheli pe ret jaisa hai hawa ke sath bikharta hai ek bahane se hum apne bas mein jabinon ke bal nahin jate hamein charagh bulate hain aastane se wo dil ke sath ulajhti hui kaman-e-talab wo ek tir uchatta hua nishane se hamare zakhm tamasha nahin hain hairat hain so is liye bhi chhupate hain ek zamane se