chashm-e-maigun-e-yar ke sadqe nigah-e-sehr-kar ke sadqe nok-e-mizhgan ki hai khalish pur-kaif nargis-e-khar-dar ke sadqe ye ada bhi hai kis qadar dilkash chashm-e-jaanan ke pyar ke sadqe hai takallum ki raqs-e-barq-e-shafaq hai dur-e-shahwar ke sadqe us khiraman-nihaal ke qurban aur us ki bahaar ke sadqe husn hi husn sar se panw tak main sarapa-nigar ke sadqe main 'amin' un ki tamkanat pe fida wo mere inkisar ke sadqe