chehron pe ab naqab kahin hai kahin nahin
sharm-o-haya hijab kahin hai kahin nahin

halchal machi kahin hai kahin par jumud hai
wo shor-e-inqalab kahin hai kahin nahin

us husn-e-tez-gam ki taswir kya bane
jo husn mahw-e-khwab kahin hai kahin nahin

kitne shabab dhal gae fikr-e-maash mein
ranai-e-shabab kahin hai kahin nahin

ye faiz ahl-e-dil ki duaon ka hai 'nishat'
halka sa jo azab kahin hai kahin nahin