dar ke baitha hun sar-nigun wahshat
mujh ko batla main kya karun wahshat

hijr kafi hai dil-lagi ke liye
ab main tera bhi kya banun wahshat

chahe jitna sanwar lun khud ko
aaine mein magar lagun wahshat

ja chali ja kahin main chhup jaun
tab tu aana main jab kahun wahshat

dar khatakne pe main ne jab puchha
koi kahne laga main hun wahshat

aaj titli ke sath baithak hai
aaj thoda mile sukun wahshat