dard badhte badhte aap apna mudawa ho gaya aankh se aansu bahe to ji bhi halka ho gaya un se qasid sirf ye kahna ba-sad ijz-o-niyaz dard jo jaan-bakhsh tha ab jaan-lewa ho gaya main ne khud se bhi chhupaya tha teri ulfat ka raaz ai nigah-e-naz tujh par kaise ifsha ho gaya apne bimar-e-mohabbat ka karo tum kuchh ilaj warna phir kahte phiroge hae ye kya ho gaya bazm mein 'akhtar' mujhi par to na thi un ki nigah main ne un aankhon mein kya dekha mujhe kya ho gaya