dard had se guzar gaya hoga
tera aashiq to mar gaya hoga

chhan kar khak tere kuche kei
der se apne ghar gaya hoga

teri aawaz us ke andar thi
khamushi se wo dar gaya hoga

bojh aahon ka aur nalon ka
us ke dil se utar gaya hoga

chum kar haar tere ashkon ka
qabr mein raqs kar gaya hoga

teri aahat se kaam lete hi
bagh phulon se bhar gaya hoga

be-khudi mein qarar pata tha
khair ab to sudhar gaya hoga

nam ab bhi 'murad' zinda hai
ishq mein de ke sar gaya hoga