dasht mein yar ko pukara jae
qais sahab ka rup dhaara jae

mujh ko dar hai ki pinjra khulne par
ye parinda kahin na mara jae

dil use shab kar sada mat de
kaun aata hai jab pukara jae

dil ki taswir ab mukammal ho
un ki jaanib se tir mara jae

lash maujon ko hukm deti hai
le chalo jis taraf kinara jae

dil to hai hi nahin hamara phir
tut jae to kya hamara jae

ye tera kaam hai nae mahbub
dubte shakhs ko ubhaara jae