daulat-e-husn ki bhi hai kya lut aankhon ko pad gai hai luta-lut chal rahi hai dila hawa-e-bahaar lala phula hai dagh-e-sauda lut samne tere jo pade ai turk us mein kaba ho ya kalisa lut chaar din hai bahaar ai bulbul zar-e-gul ka hazar toda lut saf-e-mizhgan se kah rahi hai wo chashm dil milen jitne be-tahasha lut sarf-e-allah mal-e-duniya kar mard hai kuchh to bahr-e-uqba lut saf dil ho to jalwa-gar ho yar aaina ho to ho tamasha lut neamat-khwan-e-husn jo mil jae ye samajh le hai mann-o-salwa lut gauhar-e-abla hue to chale lenge diwano khar-e-sahra lut jaante hain ki fauj-e-jangi se nahin sardar pher leta lut kaam mardon ka hai ye ai 'atish' rakhti hai jaan ka bhi khatka lut