dekh kar izn-e-tarab saqi-o-maikhane ka jhuk ke munh chum liya shishe ne paimane ka saz-e-ishrat se nikalti hai sada-e-matam kya ye duniya hai muraqqa mere gham-khane ka nazar aati hai har ek but mein khuda ki surat silsila kabe se milta hai sanam-khane ka aaj wo mahfil-e-aghyar mein aata hai nazar dil mera aaina hai jis ke pari-khane ka haram-o-dair mein kis tarah lage dil us ka jis ki nazron mein ho naqsha tere kashane ka 'bedil' is tarah se kuchh umr basar ki main ne zindagi ka hua itlaq na mar jaane ka