dikhae gard ke kheme pa ghar nahin likkha
safar to saunp gaya wo shajar nahin likkha

wo aashna mujhe pani se kar ke laut gaya
kisi bhi lahr mein jis ne guhar nahin likkha

bashaaraten thin ki poron ki samt aati thin
magar ye hath ki jin mein hunar nahin likkha

ajab guman the qaus-e-nigah mein us ki
khandar se shahr ko is ne khandar nahin likkha

har ek rut ki dua bhi hawa bhi aai thi
ye banjh ped ki in par samar nahin likkha

us ek lafz ki siski mujhe rulati hai
wo ek lafz jise jaan kar nahin likkha