dil apna shab-e-hijr mein raat bhar
latakta raha dard ke dar par

chhuti teri chaukhat chhuta apna ghar
mohabbat mein yun ho gae dar-ba-dar

kabhi ho hi jaenge gham se riha
kabhi mil hi jaegi apni khabar

taghaful se badhti hain ruswaiyan
zara hum pe bhi daliye ek nazar

hua apne hi hath se apna khun
hua ishq ka marka khub sar

mohabbat mein 'shahid' ko ras aas ka
na gulshan na sahra na masjid na ghar