dil ho aawara magar aql thikane se rahe
hum ye aadab mohabbat ke nibhane se rahe

in dinon naz uthane ka nahin hai yara
hum to khud se hain khafa un ko manane se rahe

hijr ki dhup ne aankhon mein nami tak na rakhi
ab teri yaad mein hum ashk bahane se rahe

hai zamane ko mohabbat ka taqaza hum se
hum jo mahrum-e-mohabbat hi zamane se rahe

dil hai 'wasiq' tera pagal ise samjha lena
khairiyat chahe jo apni to thikane se rahe