dil ka jahan-e-tira chahak kar sanwar gaya jalwa tera nazar se jo dil tak utar gaya muddat ke ba'd dil se phir ubhra hai sail-e-ashk main ye samajh raha tha ye tufan utar gaya jin ke siwa ghadi bhi guzarna muhaal thi un ki khabar na aai zamana guzar gaya afsurda-dil thi is pe bhi duniya agarche main mahfil mein teri misl-e-nasim-e-sahar gaya tum muskura ke ek taraf ho gae yahan aansu nahin thame hain zamana guzar gaya 'azad' sirf ek hi chehra nazar mein hai tufan-e-husn agarche nazar se guzar gaya