dil ke dariya ko kisi roz utar jaana hai
itna be-samt na chal laut ke ghar jaana hai

us tak aati hai to har chiz thahar jati
jaise pana hi use asl mein mar jaana hai

bol ai sham-e-safar rang-e-rihai kya hai
dil ko rukna hai ki taron ko thahar jaana hai

kaun ubharte hue mahtab ka rasta roke
us ko har taur su-e-dasht-e-sahar jaana hai

main khila hun to usi khak mein milna hai mujhe
wo to khushbu hai use agle nagar jaana hai

wo tere husn ka jadu ho ki mera gham-e-dil
har musafir ko kisi ghat utar jaana hai