dil mein hasrat koi bachi hi nahin
aag aisi lagi bujhi hi nahin

us ne jab khud ko be-naqab kiya
phir kisi ki nazar uthi hi nahin

jaisa is bar khul ke roe hum
aisi barish kabhi hui hi nahin

zindagi ko gale lagate kya
zindagi umr-bhar mili hi nahin

muntazir kab se chand chhat par hai
koi khidki abhi khuli hi nahin

main jise apni zindagi samjha
sach to ye hai wo meri thi hi nahin