dil pe mushkil hai bahut dil ki kahani likhna
jaise bahte hue pani pe ho pani likhna

koi uljhan hi rahi hogi jo wo bhul gaya
mere hisse mein koi sham suhani likhna

aate jate hue mausam se alag rah ke zara
ab ke khat mein to koi baat purani likhna

kuchh bhi likhne ka hunar tujh ko agar mil jae
ishq ko ashkon ke dariya ki rawani likhna

is ishaare ko wo samjha to magar muddat baad
apne har khat mein use raat-ki-rani likhna