dil sinan par hai lab kusha phir se mujh mein barpa hai karbala phir se jal uthe phir se aablon ke charagh so gai dasht mein hawa phir se us ka dar hai kabhi to wa hoga de ke dekho to ek sada phir se ban gaya hai harif suraj ka hijr ki raat ka diya phir se ho gain phir samaaten patthar harf thahre hain na-rasa phir se phir zamin ne khiraj manga hai aasman hai jhuka jhuka phir se phir kisi sang-dil ki yaad aai dil ka shisha chatakh gaya phir se