dil yar ka takht hua hi nahin
jiwan khush-bakht hua hi nahin

ise todna bhi to narmi se
ye dil kabhi sakht hua hi nahin

aankhon ne bahut israr kiya
sapna do lakht hua hi nahin

hum hans kar use rula dete
wo aur karakht hua hi nahin

tujh shahar tujhe hum aa milte
koi saz-o-rakht hua hi nahin

hum chhanw bichhate dur talak
koi harf darakht hua hi nahin

mitti ke madho rahe sada
hum sa kaj-bakht hua hi nahin