dildar milenge yahan gham-khwar milenge
sachchai ke lekin na taraf-dar milenge

arman-bhare dil ko kharidega yahan kaun
kahne ko to duniya mein kharidar milenge

paband-e-wafa dost to mushkil se milega
yun chahne wale sar-e-bazar milenge

ai urdu zaban aah teri kaun sunega
yun to sabhi ghazlon ke parastar milenge

is shahr-e-sitam mein agar dhundenge 'majid' aap
mushkil se kahin sahab-e-kirdar milenge