din dhal chuka hai to main yahi raat le chalun gar wo nahin to us ki koi baat le chalun tujh jaisa khush-jamal mere shahr mein nahin dil chahta hai aaj tujhe sath le chalun tu fath-mand ho ke bhi sar kyun jhuka raha main to khushi se apni yahi mat le chalun main khush-guman rah ke hi khush-bakht ho gai mujh pe guzar gae jo wo haalat le chalun main chahti hun us se ajab intiqam lun 'bushra' ab apne sare wo jazbaat le chalun