din thaka hai bahut hain raaten shal
dil bhi chup hai khadi hain aahen shal

tum nahin ho to haal aisa hai
pair chalte hain par hain rahen shal

aaj jhagda bahut zaruri tha
par gala khushk hai hain baaten shal

tum kahin bhi nazar nahin aate
dhundte ho gai hain aankhen shal

main abhi thik se na ji pai
aur hone lagin hain sansen shal

ek massage talak nahin aaya
dekhte ho gain nigahen shal

ek duje se mil nahin patin
aaj aise huin hain bahen shal

ratjage se wo haal hai 'iqra'
sochte sochte hain sochen shal