diwar-e-dil se lipti hui yaad aur hai dar se jude fasanon ki tadad aur hai be-khwabiyon ko ghaur se dekha to ye khula khwabon mein ek rang tere baad aur hai chahun to maslahat ko fariza qarar dun par kya karun ki sunnat-e-ajdad aur hai viraniyan hain mere mazafat mein magar duniya koi wajud mein aabaad aur hai aaina-e-khayal ke akson ne kah diya hum se wara sipah-e-adam-zad aur hai dariya ke bich bhul raha hun shanawari sahil pe kya khabar koi uftad aur hai tabdil is qadar hi saza ho saki meri is bar mere waste jallad aur hai