diya hai dard jo tu ne to phir dawa bhi to de ab is kharabe mein jine ka hausla bhi to de tere aqab mein chale sara qafila lekin tu rahnuma hai to manzil ka kuchh pata bhi to de baja ki pakde to jate hain roz hi mujrim gunahgaron ko qanun kuchh saza bhi to de baghair sud ke dete nahin hain bhik bhi log ye chahte hain ki sail koi dua bhi to de wo jaanta hai ki bar-e-garan hai ranj-e-firaq tu aa ke sine se patthar mere hata bhi to de dikhai deta hai jis mein zamir ka chehra 'sahar' ke chaaragaron ko wo aaina bhi to de