dost milte rahe manzil pe guzar hone tak
koi sathi na raha khatm-e-safar hone tak

ya-ilahi mujhe taufiq ata kar aisi
har burai se bachun umr basar hone tak

khak hone se bachaya na kisi ke ghar ko
dekhte rah gae sab nazr-e-sharar hone tak

gidgidao ki khuda rahm pe mail ho jae
mangte jao duaon mein asar hone tak

aankh nam-nak dam-e-sard labon par 'nazi'
kis tarah sabr karun khun-e-jigar hone tak