dosto ab tum na dekhoge ye din
khatm hain hum par sitam-araiyan

chun liya ek ek kanta rah ka
ho mubarak ye barahna-paiyan

ku-ba-ku mere junun ki azmaten
us ki mahfil mein meri ruswaiyan

azmat-e-suqraat-o-isa ki qasam
dar ke sae mein hain daraiyan

chaaragar marham bharega tu kahan
ruh tak hain zakhm ki gahraiyan

'kaif' ko dagh-e-jigar bakhshe gae
allah allah ye karam-farmaiyan