dukh diya hai jis ne dukh us ko batana chahiye dil pe kya guzri hai mere ye sunana chahiye is andhere ko bahar-surat mitana chahiye kuchh nahin to ab charagh-e-dil jalana chahiye farq-e-khas-o-am rindon mein na ai saqi rahe mai-kada mein daur ek aisa bhi aana chahiye dekh kar jis ko haqiqat rashk par majbur ho yun tasawwur ki tarah paikar banana chahiye bargah-e-mir-o-sultan mein rasai ho na ho doston ke dil mein ai 'tarzi' samana chahiye