duniya se, jis se aage ka socha nahin gaya
hum se wahan pahunch ke bhi thahra nahin gaya

aankhon pe aisa waqt bhi guzra hai bar-ha
wo dekhna pada hai jo dekha nahin gaya

padhwana chahte the nujumi se hum wahi
hum se qadam zamin pe rakkha nahin gaya

naqshe mein aaj dhundne baitha hun wo zamin
jis ko hazar tukdon mein banta nahin gaya

ab kya kahen nujumi ke bare mein chhodiye
apna to ye baras bhi kuchh achchha nahin gaya