dur tak raushni hai ghaur se dekh

dur tak raushni hai ghaur se dekh
maut bhi zindagi hai ghaur se dekh

un charaghon ke baad ai duniya
kis qadar tirgi hai ghaur se dekh

rahnumaon ka jazba-e-isar
ye bhi ek rahzani hai ghaur se dekh

dushmani ko bura na kah ai dost
dekh kya dosti hai ghaur se dekh

tark-e-tadbir-o-justaju ke baad
zindagi zindagi hai ghaur se dekh

gar ye shabnam ka rang laya hai
har taraf tazgi hai ghaur se dekh

hain tahayyur mein wo bhi ai 'akhtar'
kya teri shairi hai ghaur se dekh


Don't have an account? Sign up

Forgot your password?

Error message here!

Error message here!

Hide Error message here!

Error message here!

Lost your password? Please enter your email address. You will receive a link to create a new password.

Error message here!

Back to log-in

Close