ehsas-e-be-zaban ki latafat isi mein thi main ne kaha na kuchh ki mohabbat isi mein thi ye shahar jis mein nam kamana muhaal tha hum guftugu-e-shahr the shohrat isi mein thi waise to dil ke tutne ka kuchh nahin malal lekin tere jamal ki surat isi mein thi achchha hua ki dekhne aaya na wo hamein chehre pe pat-jhadon ki bhi izzat isi mein thi yaran-e-kam-nigah use dekhte bhi kya ye sadgi ki sari qayamat isi mein thi