ehsas pe bojhal kuchh sadmat ka qissa hai gham sirf takhayyul ke lamhat ka qissa hai shayad main nahin kuchh bhi shayad main bahut kuchh hun kya jaane mera jiwan kis baat ka qissa hai aaya hun kahan se main jaana hai kahan aakhir har sher mera in hi fikraat ka qissa hai khoi hui manzil ke hum bhatke musafir hain kuchh aur nahin duniya be-baat ka qissa hai chal dena sahar hote so jaana kahin thak kar hum jaise faqiron ke din-raat ka qissa hai