ek barq hai hujum-e-taqaza liye hue jaane main aa gaya hun yahan kya liye hue mahmil ki ot mein lab-e-laila shafaq-farosh dasht-e-junun mein qais hai ghaugha liye hue ek tu ki be-hijab na hona teri ada ek main ki shauq-e-did ki duniya liye hue ek tu ki apne husn ki hai aap hi dalil ek main ki tere ishq ka dawa liye hue ek tu ki teri mast nigahon mein mai-kade ek main ki lab pe hasrat-e-sahba liye hue maqsud imtihan hai rindon ke zarf ka phirta hun bazm bazm main mina liye hue itna asar to shaikh ki sohbat ka hai 'amin' hathon mein jam lab pe hun tauba liye hue