ek ek pal mein suno sainkadon gham katte hain zindagi katti kahan hai use hum katte hain mil ke rahte hain watan mein sabhi ham-sae magar is mohabbat ko siyasat ke udham katte hain gulshan-e-dahr ke har gul se mahakta gulshan mil ke hum aaiye nafrat ke alam katte hain aalam-e-hijr mein hain wasl ki yaadon ke charagh inhin yaadon se tere hijr ka gham katte hain hum ne jo ki thi wafa wo hi wafa jurm hui dekhiye is ki saza kitne janam katte hain pak rakkha hai takhayyul ko ibaadat ki tarah itni jiddat se tabhi sher ka zam katte hain umr guzri hai 'shahab' apni jafaon ke tain dil ko rah rah ke jafaon ke sitam katte hain