ek khata barha nahin karte
ab kisi se wafa nahin karte

hum se ummid kya wo rakhte hain
hum koi moajiza nahin karte

ishq karte hain aaj bhi lekin
wasl ki ab dua nahin karte

kyon wo hum ko sanwar deta hai
hum ujadne ko kya nahin karte

hum bhi shikwe chhupa ke rakhte hain
wo bhi hum se gila nahin karte

yaad rakhna tum is zamane mein
yar hum se mila nahin karte

tum bhi 'afrang' zakhm de lo hamein
hum kisi ko khafa nahin karte