ek na ek din to sabhi ko hi qaza aaegi
aakhiri waqt mein bas kaam dua aaegi

hath gar mujh se chhudana bhi kabhi chahe tum
dekhna beach mein ye meri wafa aaegi

aib to dhund na paega meri chahat mein
hath tere koi chhoti si khata aaegi

ishq ka rog agar lag hi gaya hai us ko
phir kahan us ke kisi kaam dawa aaegi

jagti aankhon mein hai khwab tere ai hamdam
aaj un ko bhi kahan nind bhala aaegi