ek tartib se jab ashk numudar hue phir ye jaana ki mohabbat mein giraftar hue ab meri nind ke raste mein khade rahte hain chand sae jo mere khauf se tayyar hue tere badle hue lahje ne rawayya badla aise badle ki tere nam se bezar hue ab to koi bhi nahin haal sunaen jis ko muddaten ho gain be-yar-o-madadgar hue ta-dam-e-marg siyah-posh hamein rahna hai yani hum log to paida hi azadar hue