ek yahi raushni raushni imkan mein hai
tu abhi tak dil-e-viran mein hai

shor barpa hai teri yaadon ka
raunaq-e-hijr bayaban mein hai

pyar aur zindagi se lagta hai
koi zinda-dili be-jaan mein hai

aaj bhi tere badan ki khushbu
tere bheje hue gul-dan mein hai

zindagi bhi hai meri aankhon mein
maut bhi dida-e-hairan mein hai

dil abhi nikla nahin sine se
ek qaidi abhi zindan mein hai