fareb-e-mohabbat se ghafil nahin hun
jo mast-e-junun ho wo dil nahin hun

unhen azm-e-tark-e-talluq mubarak
main un ke iradon mein hail nahin hun

teri bazm se hai bas itna talluq
ki shamil bhi hun aur shamil nahin hun

qaum aur aghyar ke mashwaron se
main aisi inayat ka qail nahin hun

sambhal kar zara ai mohabbat ki kashti
main tufan hi tufan hun sahil nahin hun

mera soz-e-hasti hai dur-az nadamat
main parwana hun sham-e-mahfil nahin hun